الإحالة على التقاعد

الإحالة على التقاعد

سي- أن- أر جيتكم باقي نعـــــــرف *** ذالقانون الجديد والبالي ثــــــــــــــاني
الثلاثية تسرعت والله يلطـــــــــــــــف *** أخبر عاجل كي سمعته نـــــــــــواني
أنا وياهم مانعيشو تحت أسقـــــــــف *** إديرو غير رايهم زاد أحمـــــــــــــــــــاني
ل ا تزكوش نفوسكم تمشو بالهـف *** نهجيهم لوكان نضمت أوزانــــــــي
الناس درجات تتفاوت كالـــــــــرف *** شكون يرضى إكون رفه تحتانــي
في أول جوان قدمت الملـــــــــــــــــــــــــــف *** اثنين وتلاثين عام خدمة بركاني
رانا صدقناك بلا ماتحلـــــــــــــــــــــــف *** يا صندوق أنت الصاحب حقــــاني
تحتار مو لكبار تسقدوهم بالخـــف *** متقاعد مع الوصلة سمـــــــــــــــــــــاني
حقك باين نعينو من يتكلـــــــــــــــــــف *** ردوا لي جواب فالمسكــــــــــــــــــــن جاني
هذاوقت المافيا راه إخـــــــــــــــــــــــــــــوف *** باقي نهرب خاطــــــــــــــــري ما هناني
والإدارة تخلطت والراي أتلـــــــــــــف *** كالسوسة ذالمرض جاها دخـــــلاني
براتب خمس سنين دارونا فالكـــف *** ستين أشهرقسموها بالعـــــــــــــــــــــاني
خير كيما بقيت ترون ولا أتســف *** ومن الكعبوش نفكرك لا تنســــــــــــاني
تدي ثمانين فالمية منها تصـــــــــرف *** التقشف إعاونك كلش فـــــــــــــــــــاني
ذالسيروم معالجه للموظـــــــــــــــــف *** من بعد عليا ســــــــــــــــــــول كي راني
نرضى بالقليل مانمشي نخطــــف *** والقناعة كنــــــــــــــــــــــز مولاها غاني
ماتهداني نموت نبقى حي أنشــــف *** قاعد فالفراغ أنا وأقـــــــــــــــــــــــراني
البقرة على ولدها راها تعطـــــــــف *** واحنا صكت نفرته راه إعانــــــــــــــــي
اسلكت على خير كاين من يعرف *** ماكليتش لحرام ربي نجــــــــــــــاني
الصراحة عين ماءها ما ينشـــــــــــف *** والكذاب مانقبله في جيــــــــــــــــــــراني
الغرور ذاك صاحبه غير اهتــــــــرف *** في بلاد الغفار أمشي واهـــــــــــــــــداني
الإستقامة إعود مولاها للصــــــــف *** غافر الذنوب الرب الفوقـــــــــــــــــــاني
في بعض الحالات ماتقدر توصف *** ماتحكمشي على المظهر بـــــــــــراني
كبر عقلك ماتخمم ماتزعـــــــــف *** زيد أصبر ياحر لخوك الحرطاني
العاقل إذا أغلب لابد إعــــــــــــــــــــــــف *** والجاهل فالواد السكنــــــــــــــــة بانـــــــــي
بعدني يا خالقي على هـــــــــذ الزف *** بجاه الرسول طه المـــــــــــــــــــــــــــداني

البيض في 10/06/2010

الشاعر محمد مقدم